Terroriste slaan toe op medikus
Die afgetrede mediese spesialis, dr. Jacob Swart (67) is in ’n baie ernstige toestand na ’n terroriste aanval op hom en sy vrou, op hul plaas in die Bloemspruit omgewing.
Hy en sy vrou, Elise (65), is deur twee terroriste aangeval, wat hom met ’n staalpyp geslaan het met die doel om hom te vermoor, en die egpaar is daarna herhaaldelik met ’n mes gesteek.
Die twee terroriste het later met sy Hilux-bakkie, registrasie DVB 913 FS, asook sy rewolwer, ’n geweer, selfone en kontant op die vlug geslaan.
Woordvoerder kapt. Harry Nagel van die polisie sê twee mans het dr. Swart by die watertenk naby die huis oorrompel en hom aanhoudend met ’n staalpyp geslaan.
Die twee terroriste het die egpaar op ’n bed vasgemaak, waar hulle met ’n mes gesteek is. Mev. Swart kon later daarin slaag om haar los te kry en het gaan hulp soek.
Dr. Swart is opgeneem in die Mediclinic, waar hy versorg word. Sy toestand is baie ernstig, maar stabiel.
Mevrou Swart is ook stabiel, alhoewel sy baie pyn moet verduur.
No comments:
Post a Comment