STAAN SAAM NUUSBLAD: abel.malan

Tuesday 21 January 2014

abel.malan

Geagte Volksgenoot

Ons wil sommer nou reeds u herinner aan ŉ belangrike gebeurtenis, redelik vroeg in die nuwejaar. Dit is natuurlik die jaarlikse Majuba-herdenking, wat plaasvind gedurende die laaste naweek van Februarie, dus die naweek van 28 Februarie tot 2 Maart 2014.

Die Majuba Boerevolk Trust, wat die eienaars is van die plaas waarop die grootste deel van Majubaberg asook die feesterrein geleë is, volg al etlike jare die beleid om ŉ volksorganisasie te vra om die fees te reël en die program daarvoor aan te bied.

Ingevolge daardie beleid, is die Transvaalse Landbou-unie (TLU SA) gevra om die 2014-fees aan te bied en is dit dan ook TLU SA se voorreg om u aan die fees te herinner en daarheen uit te nooi.

Die jaarlikse Majuba-fees bied die geleentheid vir volksgenote om mekaar te ontmoet, rondom ŉ historiese herdenking wat ŉ besondere mylpaal in ons vryheidsgeskiedenis was. Majuba is die een plek waar ons volk vir ŉ hele naweek lank hulle verskille en geskille eenkant kan sit en saam die heldegebeurtenisse in ons geskiedenis kan gedenk, soos ons hemelse Vader dit vir ons bestem het.

Hoewel die program jaarliks nie veel afwyk van vorige jare nie, wil TLU SA, synde ŉ diensorganisasie te wees, dit gebruik om in die eerste plek ŉ groter betrokkenheid onder volksgenote te bewerkstellig. TLU SA wil graag fokus op die geskiedenis, hede en toekoms, waarin ons glo die landbouer ŉ uiters belangrike rol behoort te speel.

Daarom wil ons reeds op hierdie vroeë stadium u aandag vestig op die Majubanaweek van 28 Februarie tot 2 Maart 2014 en word u uitgenooi om die geleentheid by te woon, en wil u aanmoedig om soveel moontlik van ons volksgenote te betrek by hierdie geleentheid.

Daar word vanjaar ŉ paar nuwe aspekte by die reeds bekende en suksesvolle program gevoeg:

1. ŉ Potjiekoskompetisie word gereël vir Saterdag 1 Maart. Almal moet in elk geval kos maak; so ons kan dit net sowel kombineer met ŉ potjiekoskompetisie. Elke span maak sy pot by sy eie kampplek en word ook daar beoordeel deur ŉ span beoordelaars. Die inskrywingsgeld beloop R400 per span.

Die opbrengs word aangewend vir o.a. bemarking van die kompetisie en Majubafees, vir prysgeld wat beduidend kan wees afhangende die aantal inskrywings en ŉ verdeling tussen Magalies Maters Stapklub (wat dit aanbied) en die Majuba Boerevolktrust.

Vir meer besonderhede en inskrywings kan Roelie Scheepers gekontak word by 0825498229.

2. Skietkuns was deur die eeue ŉ integrale deel van ons volksgeskiedenis. Ons sou graag wou sien dat skyfskiet sy regmatige plek inneem in ons kultuuraktiwiteite. ŉ Skyfskietkompetisie gaan Saterdag aangebied word waar daar bepaal sal word wie die 2014 Majuba kampioen is in vier kategorieë naamlik:

a) Laerskool dogters
b) Laerskool seuns
c) Oop afdeling dames
d) Oop afdeling mans

Vir die voorskoolse kinders sal daar ook geleentheid wees om valplate te skiet. Persone kan deur die dag elkeen een beurt kry om hul staal te wys enige-tyd vanaf 09h00 – 17h00. Daar sal met windbukse geskiet word. Enige navrae kan gerig word aan Chris Hoogendyk by 082 806 7588.

3. Ten einde die administrasie by die hek te vergemaklik, word volksgenote versoek om reeds vooraf te bespreek en u kampgelde elektronies oor te betaal. Bring asseblief u bewys van betaling saam. ŉ Voorlopige program is reeds saamgestel.

Ons hoop om u te sien by Majuba 2014!
Vriendelike groete
BJ van Zyl HOOFBESTUURDER

VOORLOPIGE PROGRAM VIR MAJUBAFEES 2014
Vrydag (28 Februarie 2014)
14:00 Inrig van kampplekke en kuier Hele terrein
14:00 Stalletjies open Stalletjies area langs saal
19:00 Opening en verwelkoming HS Van Blerk Saal
20:00 Fakkelloop Meld aan by stalletjies
22:00 Filmvertoning HS Van Blerk Saal
Saterdag (01 Maart 2014)
08:00 Vlagparade en opening Amfiteater
08:15 Verwelkoming Amfiteater
08:25 Geleentheidspreker – Afrikaner hoop Amfiteater
08:45 Perdevertoning met vlae Amfiteater
09:00 Bestyg die berg Vertrek vanaf verhoog
10:30 Geskiedenis vertelling op Majuba Bo op die kruin
13:00 Boeresport Grasperk langs verhoog
16:30 Cantille vir jeug HS Van Blerk Saal
18:00 Potjiekos kompetisie beoordeling Stalletjies area langs saal
19:30 Cantus HS Van Blerk Saal
Sondag (02 Maart 2014)
08:30 Diens HS Van Blerk Saal
09:15 Bedankings en afsluiting HS Van Blerk Saal
09:30 Kranslegging & Rebellie 100 monument: Monument koppie
Ander deurlopende aktiwiteite:
Stalletjies; oopvou van reuse Vierkleur; skyfskiet; perdry; sweepslaan van 7vm.tot 7 nm. en baie meer.
VOLKSLIEDERE – ZUID-AFRIKAANSE REPUBLIEK EN REPUBLIEK VAN ORANJE VRYSTAAT
MAJUBA GEDENKPLAAS 2014 TARIEWE
1. Dagbesoekers: R 25.00 per persoon. Groepe van meer as 25 persone kry 20% afslag.
2. Herberg: R 55.00 per persoon per nag. Groepe van meer as 25 persone kry 20% afslag.
3. Woonstel: R 120.00 per persoon per nag.
4. Kampeerders:

Tent staanplek: R 45.00 per staanplek
Woonwa: R 65.00 per staanplek

PLUS:

Volwassenes R 20.00 per persoon per dag
Leerlinge: R 10.00 per persoon per dag

BANKBESONDERHEDE VIR MAJUBA:
Rekening naam: Majuba-Boerevolktrust
Bank: FNB (Kolonade)
Takkode: 250 655
Rekening nommer: 623 8336 2119
Verwysing: Voorletters & Van
Kontak besonderhede
Posbus 75700, Lynnwoodrif, Pretoria, 0040
Foon: 082 788 8829
E-pos: majubaberg@gmail.com

MEER BESONDERHEDE: Majunafees

VERWANTE BERIGTE: Aanloop tot die Slag van Majuba

https://www.facebook.com/abel.malan

No comments:

Boere Krisis Aksie (B.K.A.)

Vrywillige bydraes: CAPITEC Naam: BKA Zarp Spaarrekening no 124 8811 710 Takkode: Potchefstroom 470010 Mission To inform the people about the political reality of South Africa. Company Overview Ons aanvaar geen aanspreekliheid vir kommentaar deur ander gemaak nie. Kommentators is wetlik aanspreeklik vir hul eie skrywes. Deur die indiening van kommentaar, onderneem jy om hierdie blad te vrywaar van enige aanspreeklikheid wat voortspruit uit die verbreking van vertroulikheid of kopiereg of enige obseen, lasterlike of enige ander stellings wat jy maak. Geen persoon is gemagtig om namens BOE...See more Description You should remember that you are legally responsible for what you write. By submitting a comment you undertake to indemnify this facebook page against any liability arising from breach of confidentiality or copyright, or any obscene, defamatory, seditious, blasphemous or other actionable statement you may make. General information CAPITEC Naam: BKA Zarp Spaarrekening no 124 8811 710 Takkode: Potchefstroom 470010

SUNTTE BRIDGES FACEBOOK

I am a 43-year old Mother of 5, Afrikaner, Artist, Writer and often described as a Human Rights Activist. I see myself rather as a concerned citizen of the once prosperous country called South Africa. A mere 20 years ago this country was considered one of the safest in the world. Today, after 20 years of ANC rule, we are considered the Rape and Murder Capital of the World where a woman is raped every 4 minutes and at least 18 000 people are murdered every year. The White population of South Africa, now just over 4 million of more than 50 million, have been placed on Level 6 of a possible 8 of full scale Genocide. In the words of another, well known Artist & Activist Steve Hofmeyr: “My Tribe is dying like flies!” South Africa, once a net exporter of food, now has to import food to maintain its growing population while our farmers are being murdered at the rate of 1 every 6 days and the Government is carrying out a policy of Land Reform that has proved to be absolutely disastrous! Soon we will be just another African Begging Bowl in need of handouts from the rest of the world and YOU will be paying for it! On this page I hope to share with you the TRUTH of what is really happening in South Africa, keep you updated on current news events, share opinions and expose what the media is hiding from you. This country is in desperate need of your help! We are not asking for your money, but we do NEED your voice! With love from SA Sunette

This Afrikaans poem is about a solder that was beheaded…by a bomb.

Die ruiter van Skimmelperdpan

Op die pad wat verdwyn in die Skimmelperdpan,
By ‘n draai in die mond van die kloof,
Het ‘n bom in die oorlog ‘n vlugtende man
Op ‘n perd soos ‘n swaardslag onthoof.

Aan die saalboom krampagtig die hande verstyf,
Met ‘n laaste stuiptrekkende krag,
En die bene geklem soos ‘n skroef om sy lyf,
Op die perd sit die grusame vrag.

Met sy neusgate wyd en die ore op sy nek,
Soos die wind yl verbysterd die dier,
Met die skuim in wit vlokke wat waai uit sy bek,
En gespan soos ‘n draad elke spier;

By die huisie verby waar ‘n vrou staan en kyk …
In die afkopding ken sy haar man …
Met ‘n onaardse geil val sy bleek soos ‘n lyk …
Perd en ruiter verdwyn in die Pan!

Wee die reisiger wat daar onwetend kom skuil
Waar bouvallig die huisie nog staan,
En vreesagtig by wyle ‘n nagdiertjie huil
By die newelige lig van die maan!

Want by middernag waai daar ‘n wind deur die kloof,
Waai en huil soos ‘n kindjie wat kerm,
En dan jaag daar ‘n perd met ‘n man sonder hoof …
Wie dit sien, roep verskrik: “Heer, ontferm!”

Want die vuurvonke spat waar die hoefslae dreun,
En dit vlam uit sy neus en sy oog;
Styf en stram sit die ruiter na vore geleun,
En die bloed uit sy nek spuit ‘n boog;

En dan eensklaps van uit die vervalle gebou
Kom ‘n vreeslike skrikbeeld gevaar,
Al die hare orent – ‘n waansinnige vrou
Met ‘n hande-wringend gebaar:

“Waarom rus jy nie, rus jy nie, Jan van der Meer?
Waarom jaag jy my elke nag op?
Sal daar nimmer ‘n einde kom … altyd maar weer
Die galop … die galop … die galop?!”

Die afgryslike klank – nog gehuil nog gelag –
En die perd met die romp van ‘n man …!
Dis geen plek vir ‘n Christenmens daar in die nag
Langs die pad na die Skimmelperdpan!

DIE VIERKLEUR

GESKIEDENIS (1857 - vandag) In 1855 is 'n komitee benoem om 'n grondwet en vlag vir Transvaal saam te stel. Op die komitee het o.a. gedien Jacobus Stuart as voorsitter met Ds. Dirk van der Hoff in 'n raadgewende hoedanigheid asook ’n jong seun met die naam Paul Kruger as lid van die komitee. In 'n onderhoud wat gevoer is met 'n dogter van Martinus van der Hoff, broer van Ds. Van der Hoff, het sy onthul dat die Vierkleur deur haar pa en Jacobus Stuart ontwerp is in opdrag van bogenoemde komitee. Volgens haar het haar vader hierdie gebeurtenis persoonlik aan haar meegedeel. Die vlag is dus deur Ds. vd Hoff se broer ontwerp en nie deur homself soos deur verskeie ander bronne aangegee nie. Die groen vertikale baan wat deur Van der Hoff en Stuart aangebring is, was om goeie hoop te simboliseer. Aan Sy Majesteit, die koning van Nederlande, skryf Pres. Pretorius op 10 Januarie 1857: Onze vlag is boven rood, midden wit, onder blaauw horisontaal en eene groene strook ter halver breedte an eene der drie kleuren, langs den stok perpendicular, aan deze vasgehecht. “Ons het goeie hoop, dat ons, met God se hulp in die reinheid en suiwerheid van bedoelings ons vryheid sal behou, en bid tot God dat geen menslike mag hierdie vryheid van ons sal ontneem nie! Op 6 Januarie 1857 is die vlag amptelik in gebruik geneem. Die Volksraad bekragtig dit dan ook met hierdie bewoording: "Is besloten dat eene vlag voor de Zuid-Afrikaansche Republiek aangenomen zal worden, bestaande uit de volgende kleuren: Rood, Wit en Blaauw, horizontaal - even breed en boven elkanderen gesteld en groen perpendiculair langs den stok”. Daarop zullen de woorden geplaatst worden; “EENDRACHT MAAKT MACHT” Die bepaling dat hierdie woorde op die groen baan geplaas moet word is later verander deur die woorde op die leuselint onderaan die staatswapen te plaas.