Forensiese toetse hoop op
Suid-Afrika se misdaad neem toe weens verskeie redes, en een daarvan is omdat forensiese toetse nie afgehandel word nie.
In verskeie gesaghebbende kringe, is kommer uitgespreek weens die feit dat sowat 60,000 forensiese toetse nog onafgehandel is, terwyl misdadigers die voordeel van die gesloer geniet.
Van die meeste toetse wat uitstaande is, was volgens die Departement van Gesondheid, ongeveer 34,185 bloed-alkohol monsters, en nagenoeg 17,000 toksikologie monsters
Dit is bekend dat solank die toetse onafgehandel is, kan die betrokke misdadigers vry rondbeweeg en selfs dieselfde oortreding weer begaan.
Die pas afgelope vakansie het juis getoon dat dronkbestuurders vir menige ongelukke verantwoordelik was.
’n Ingeligte waarnemer het aan Die Vryburger gesê die owerheid maak elke keer wanneer hulle in ’n hoek gedruk word oor oneffektiewe werk, dieselfde beloftes.
Hierdie keer was dit nie anders toe gesê is die departement is bewus van die probleem, maar dit geniet aandag.
No comments:
Post a Comment