Kruger Gardens aftreeoord waar Me Huggins vermoor is. Foto: Echofoundation
PORT ELIZABETH - ’n Weerlose bejaarde dame, die 85-jarige Hazel Huggins is deur aanvallers in haar huis in Port Elizabeth vermoor.
Me. Huggins se liggaam is om 7:30
Vrydagoggend deur ’n verpleegster op die vloer van haar huis in die
Kruger Gardens aftreeoord te Somerstrand aangetref.
Volgens ’n polisiewoordvoerder, AO.
Alwin Labans, word daar vermoed dat Huggins na middernag vermoor is. Hy
sê sy het vasgebind op die vloer gelê en haar huis is geplunder. Die
oorsaak van haar dood is nog nie bekend nie en sal met behulp van ’n
nadoodse ondersoek bepaal word.
Dit is nie bekend hoeveel mense in die
aanval betrokke was nie, en of enigiets gesteel is nie. Die polisie
ondersoek ʼn saak van moord en huisbraak, en versoek enigiemand met meer
inligting om die polisie by 08600 10111 te bel. – Bron: Maroela Media
No comments:
Post a Comment